Турецкой Республикась – Мордовия Республикань микшнемань прявт партнертнэнь ютксто вейкесь, ды регионось яви мель микшнемань-экономикань вейсэнь тевдеемань седе тов виевгавтоманть ды келейгавтоманть лангс. 2024 иестэ Мордовиянть ды Турецкой Республиканть ютксо микшнемань оборотось кармась 11 млн. США-нь долларт.
Вастовоманть шкасто кортавсть Турецкой Республикав Мордовиянь предприятиятнень продукциянь пачтямонь кевкстематне. Башка мель Турциянь енксось явсь чипаень менчевиця панельтнень ды витнемань мастерскойтнень лангс, конатнень мереви нолдамс эрьва кодат автомобильтнень шасситнень лангсо. Енкстнэ кортасть деловой сюлмотнень поладоманть ды седе тов вейсэнь проекттнэс лисеманть коряс.
Мордовиянь руководителесь тердинзе Турциянь коллегатнень самс республикав бизнес-миссия марто региононь промышленной ды инвестиционной потенциалонть марто седе домкасто содавиксэкс теевеманть туртов.
Мордовия Республикань Прявтонь Пресс-службась