Чадыковонь 13-це чистэ Мордовиянь Прявтонть тевтнень топавтыцясь Артём Здунов ютавтсь важодемань вастовома Мордовиянь митрополиянь прявтонть, Саранскоень духовной семинариянь ректоронть, Саранскоень ды Мордовиянь митрополитэнть Зиновиень ды Рузонь православной церьковань тонавтомань комитетэнь председателенть протоиереенть Максим Козлов марто. Кортавсть Мордовия Республикасо высшей духовной тонавтоманть кастомань-кепетемань кевкстематне.
Кавто читнень перть, чадыковонь 12-це ды 13-це читнестэ, Саранскоень духовной семинариясонть ютась инспекциянь ваннома, комиссиянть прявтсоль председателесь протоиереесь Максим Козлов. Ванновсть семинариясонть тонавтомань ды воспитаниянь важодеманть ладямось, архивень ды делопроизводствань ветямось, студентэнь эрямонь условиятне. Комиссиянь члентнэ ютавсть вастовомат профессортнэнь-преподавательтнень ды студентнэнь марто. Максим Козлов пачтясь, истят ванноматне тонавтнемань заведениятнесэ ютавтовить колмо иес весть.
Артём Здунов башка лоткась регионсонть комплексной духовной тонавтомань кевкстеманть лангс: кортасть Саранскойсэ православной гимназиянть теемадонзо. Мордовиянь Прявтонть тевтнень топавтыцясь истя жо тешкстызе маласо иетнестэ Саранскоень духовной семинариянть государственной аккредитацияс лисемань эрявиксчинть. Тень коряс кармавтозь теемс дорожной карта.
Мордовия Республикань Прявтонть пресс-службась