Мордовиянь Прявтонть тевтнень топавтыцясь Артём Здунов панжиковонь 11-це чистэ вастневсь Татарстан Республикань премьер-министрань полавтыцянть, «Всемирный конгресс татар» Раськеютконь вейсэндявксонь Национальной советэнь председателенть, Весероссиянь велень Сабантуенть-2022 ютавтомань коряс оргкомитетэнь сопредседателенть Василь Шайхразиев марто. Кортавсть 2022 иестэ Мордовиясо Весероссиянь велень Сабантуенть ютавтомантень анокстамонь кевкстематне.
Мордовиянь Прявтонть тевтнень топавтыцясь вастовоманть ушодовомсто евтась Татарстан Республикань весе эрицятненень седейризксэнь валт Казань ошонь гимназиясо зыянонть кувалма, косо маштовсть эйкакшт ды тонавтомань заведениянь важодицят. "Минь кирдтянок ризкс мартонк вейсэ", - мерсь Артём Здунов.
Мордовия Республикань Прявтонть пресс-службась