Тешкстазель, заводось касты производствань покшолматнень – меельце иетнень перть сынь кассть нилексть. Ютазь иень невтевкстнэнь коряс нолдазь продукция 12,5 млрд целковойтнес. Те касомантень лездась 16 инвестициянь проекттнэнь топавтоманть вельде производствань вийтнень келейгавтомась. Тедеде прядовить ниле инвестпроектт. Нолдазь од енкст – инновациянь кабельтнень эйстэ саезь эсь компаундонь цехенть видьс. «Цветлитэнь» продукциясь эрязасто нолдави тевс строительствасо ды энергетикасо – эрямонь кудотнесэ, школатнесэ, больницятнесэ, эйдень кужотнесэ, таркатнень вадрялгавтомань-мазылгавтомань пингстэ. Мордовиянь кабелесь эряви масторонь келес – частной стройкатнень эйстэ саезь социальной покш объекттнэнь видьс.
Предприятиясонть ней важодить 500 седе ломанть, средней зарплатась тедеде кармась 100 тежат целковойть.
Мордовиянь Прявтось кевкстнесь заводонь кадрань политикадонть. Евгений Бурканов евтнесь, кабельщиктнень анокстамонть вети Саранскоень колледжтнень ютксто вейкесь, истя жо важодеме сыця специалисттнэ ютыть колмо ковонь анокстамо. Теде башка, заводсонть важодить зярыя ават аволь стака специальносттнень коряс.
«Меельце ковтнестэ редяви важодемань вийтнень рынкасонть тевтнень кемекстамось. Ламот сыть важодеме тенек республикань енкстнэстэ, вахтасо важодемадо мейле, – тешкстызе Евгений Бурканов. – Сехте вадря важодицятне – те сеть, кинь улить семияст, эйкакшост, – кинень эряви свалшкань, вадря зарплата».
Артём Здунов кирдинзе кабелень производствань виевгавтомань коряс арсематнень, истя жо тешкстызе коллективенть икеле социальной обязательстватнень топавтомань эрявиксчинть.
Мордовия Республикань Прявтонь Пресс-службась