Таштамковонь 21-це чистэ МР-нь Центральной кочкамонь комиссиянь председателесь Александр Косов максызе Артём Здуновнень Мордовия Республикань Прявтокс сонзэ кочкамодо удостоверениянть.
Республикань руководителесь тешкстызе ютавтозь кочкамотнень вадрясто анокстамонть. "Истямо питне макссть аволь ансяк Мордовиянь эрицятне, истя жо сазь специалисттнэ, ваныцятне. Сюкпря, колмонест читне ютасть сэтьместэ. Пелькстамонь весе кевкстематне витевсть таркасост. Тешкстазь весе кандидаттнэнь ды политической партиятнень марто вадрясто ладязь вейсэнь важодемась. Видестэ топавтозь санитарно-эпидемиологической весе вешематне", - тешкстызе региононь руководителесь.
МР-нь ЦИК-нь председателесь явсь мель покш явканть лангс. МР-нь Прявтонь кочкамотнесэ сон кармась 64,97%. Мордовиянь Прявтонь тевтнень топавтыцянть Артём Здуновонь кисэ вайгелест максызь 78,26% кочкицятне.
Центральной кочкамонь комиссиянь заседаниянь итогтнень коряс тешкстазь постановления, конасонть кочкамотне яволявтозь ютавтозекс. Мордовия Республикань Прявтокс кочказь Артём Алексеевич Здунов.
Мордовия Республикань Прявтонь пресс-службась