Артём Здуновонь содавтызь «Газпром межрегионгаз Саранск» ды «Газпром газораспределение Саранск» од руководителенть марто

Артём Здуновонь содавтызь «Газпром межрегионгаз Саранск» ды «Газпром газораспределение Саранск» од руководителенть марто

Республикань Кудосонть чадыковонь 4-це чистэ ютавтовсь Мордовиянь Прявтонть Артём Здуновонь «Газпром межрегионгаз» ООО-нь персоналонь управлениянь ды вейсэнь кевкстематнень коряс генеральной прявтонь полавтыцянть, «Газпром межрегионгаз Саранск» ды «Газпром газораспределение Саранск» прявттнэнь советэнь председателенть Сергей Табачук марто. 

Вастовоманть шкасто евтазь «Газпром межрегионгаз Саранск» ООО-нь ды «Газпром газораспределение Саранск» АО-нь од руководителесь Владислав Портнов, генеральной прявтонь тевтнень карми топавтомо панжиковонь 5-це чистэнть саезь. Владислав Портнов икеле ульнесь «Газпром межрегионгаз Пенза» ООО-нь газонь реализациянть коряс генеральной прявтонь полавтыцякс.

Артём Здунов арсесь од руководителенть изнявкст важодемасо. Сергей Табачук тешкстызе, Газпром межрегионгаз Группань региононь компаниятнень икелень руководителесь Максим Автаев карми генеральной прявтонь полавтыцякс ды карми ветямо догазификациянь ды государственной властень органтнэнь марто вейсэнь важодемань енксонть.

Вастовомасонть ульнесь МР-нь Правительствань Председателень полавтыцясь – Жилищно-коммунальной хозяйствань, энергетикань ды эрицятнень гражданской ванстомань министрась Игорь Чадов.

Мордовия Республикань Прявтонь пресс-службась