Республикань Прявтось кармавтсь топавтомс сэтьмечинть ламо ломанень пурнавомань таркатнесэ. Московонь областесэ теракттонть мейле те важодемань эрявиксчинть коряс кавтолдомат арасть.
«Эряви кочкамс антитеррористической ванстомань, истя жо терроризмань идеологиятнень ды неонацизмань мельтнень-ванновтнень а нолдамонь коряс профилактикань тевтнень. Межведомственной лувонь весе мероприятиятне, конатнень минь тынк марто кочкасынек, улест топавтозь, сынст коряс ули кемекстазь персональной ответственность», – тешкстызе Артём Здунов.
Промкссонть кортасть Мордовия Республикава Росгвардиянь Управлениянь прявтонь тевтнень топавтыцясь Василий Бикурев, МР-нь культурань, раськень политикань ды архивень тевень министрась Светлана Баулина, МР-нь экономикань, микшнемань ды предпринимательствань министрань тевтнень топавтыцясь Иван Горин, МР-нь энергетикань ды жилищно-коммунальной хозяйствань министрась Александр Голянин, Саранск ошонь округонь прявтось Игорь Асабин.
Промкссонть кемекстазь тевтне, конат аравтозь объекттнэнь антитеррористической ванстомань виевгавтомантень ды важодемань, студентэнь ды тонавтнемань коллективтнесэ профилактикань мероприятиятнень анокстамонтень.
Мордовия Республикань Прявтонь Пресс-службась