Промкссонть истя жо кортасть 2023 иестэ РФ-со терроризмань идеологиятнень а нолдамонь коряс комплексной аравтлувонть топавтомадонзо ды 2024-2028 иетнес комплексной аравтлувонть топавтомань коряс тевтнеде. Те кевкстеманть коряс промкссонть пачтясть МР-нь культурань, раськень политикань ды архивень тевень министрась Светлана Баулина, МР-ва внутренней тевень министрась Юрий Поляков, МР-ва Россиянь УФСИН-нь прявтонь тевтнень топавтыцясь Павел Ломакин, Ромодановань муниципальной райононь прявтось Сергей Ведяшкин, М.Е. Евсевьевень лемсэ МГПУ-нь ректорось Марина Антонова, Саранск ошсо Россиянь Минюстонь РПА-нь прявтонь полавтыцясь Надежда Мукасеева.
Башка мель явозель антитеррористической контентэнь анокстамонтень ды шаштомантень. «Тевесь – топавтомс аравтлувонь коряс свалшкань важодеманть, совавтомс АТК-нть пингстэ Экспертэнь советэнть ды Комплексной аравтлувонь топавтоманть коряс важодемань группатнень», – тешкстызе Артём Здунов.
Мордовиянь Прявтось тешкстызе, Минкультурань, Минцифрань, Росмолодежинь енкстнэнь коряс топавтозь шкинемань проекттнэнень грантонь лездамонь системантень терроризмань а нолдамонь кевкстематнень эрьва иень совавтомась. «Грантонь енксонть минь а лавшомтано. Ней ламо яволявтомат каинек, ансяк башка мель эряви явомс самай те енксонтень. Минек республикасо Од ломантнень тевест коряс Госкомитетэсь – эсензэ лувонь штаб, косо ютавтовить пелькстамот ероков од ломантнень ютксо проекттнэнь анокстамост коряс, истя жо антитеррористической енксонь. Ансяк яволявтоматнень эряви ламолгавтомс», – мерсь Артём Здунов.
Терроризмань идеологиятнень, неонацизмань ды эрьва кодат деструктивной движениятнень а нолдамонь коряс важодеманть вадрялгавтомадо пачтясь Мордовия Республикань Прявтонь ды Мордовия Республикань Правительствань Администрациянь руководителень полавтыцясь – Мордовия Республикань Прявтонь Пресс-службань руководителесь Елена Башкирцева.
Терроризмань профилактиканть коряс важодиця специалисттнэнь профессиональной анокстамонь кевкстеманть коряс пачтясть Мордовия Республикань Прявтонь ды Мордовия Республикань Правительствань Администрациянь руководителень полавтыцясь - Государственной службань, кадратнень ды государственной наградатнень коряс управлениянь прявтось Дмитрий Борисов ды Н.П. Огарев лемсэ МГУ-нь од ломантнень ютксо ероков гражданской позициянь кемекстамонь, межнациональной ды межконфессиональной аладямотнень а нолдамонь, терроризмань идеологиятнень а нолдамонь ды экстремизмань профилактикань кевкстематнень коряс Координационной куншкакуронь прявтось Сергей Гладышев.
Кортамонть прядовомга тешкстазель должностной лицятнень тонавтомась, конат важодить терроризмань профилактикань коряс.
Мордовия Республикань Прявтонь Пресс-службань