«Бессмертный полк онлайн» проектэсь уш омбоце ие невти эрявиксчинзэ. Яволявтоматнень саемась ушодовсь 2 недлядо икеле, ды те шканть перть мелень 2,5 млн анкетаттненень вейсэндявсть эштё 800 тежадо ламо.
Акциянть кирдизе Василий Семёнович Лановоень довазо, СССР-нь Народной артистэнть, Россиянь Бессмертной полконь Центральной штабонь Сопредседателенть - РФ-нь Народной артисткась Ирина Купченко, истя жо Россиянь Народной артистэсь Олег Газманов, театрань ды кинонь артистэсь Игорь Петренко ды морыцясь Полина Гагарина.
Мелят полконь трансляциясь мольсь 20 ламо чить. Тедеде партнёртнэнь вельде трансляциятне явовить регионтнэнь коряс, ды эрьвась нейсы эсензэ ветеранонть самай се ошсонть, косо сон чачсь. Секскак яволявтоматне саевить ансяк панжиковонь 7-це чинть видьс, штобу кенеремс теемс региононь коволтнэнь.
Тедеде покш мель явови кибербезопасностень кевкстематненень. Полконь колоннатнес военной преступниктнень а понгоманть туртов важодить 12 тежадо ламо модераторт - Россиянь Бессмертной полконь, «Волонтеры Победы» движениянь ды общественной лия организациятнень, истя жо Сбербанк нейросетень доброволецтнэ.
Модератортнэ эзть нолда путомс Бессмертной полконтень нацистэнь преступниктнень портретэст. Сынст путыця ломантнеде кулятне пачтявить Россиянь Следственной комитетс. Ледстясынек, совась вийс законось нацизмань реабилитациянть кисэ уголовной ответственностенть виевгавтомадо, тенень кандови онлайн молемантень нацистэнь преступниктнень фотографияст путомась.
Трансляциясь карми молеме масторонь весе регионтнэсэ панжиковонь 9-це чистэ, ушодови 15 чассто местной шканть кувалма. Сонзэ мереви ваномс 2021.polkrf.ru проектэнь сайтсэнть, ВКонтакте ды «Одноклассники» социальной сеттнесэ, телеканалтнэсэ, истя жо ОККО, IVI.RU, MORE.TV онлайн кинотеатратнесэ ды Смотрим.ру платформасонть.
Проектэнть коряс весе кевкстематнень мереви максомс пси линиянь номерэнть коряс 8 (800) 20 -1945- 0.
Проектэнть анокстыцясь: «Бессмертный полк России» ООД-сь. Проектэнь партнёртнэ: Сбербанк ПАО-сь, Mail.ru Group ды «Волонтеры Победы» ВОД-сь.
Трансляциянтень вейсэндявомань кевкстематнень коряс: Алексей Смирнов, 8-916-382-46-33.