Проектэнть коряс китнень строямсто тевс нолдавить од технологиятне ды материалтнэ, конат совавтозь од ды сехте вадря технологиятнень, материалтнэнь реестрантень.
2019 иестэ китнень строямонь ды витнемань государственной контракттнэнь эйстэ 93% (вешемась ульнесь 10%) тевс нолдасть од технологиятнень ды материалтнэнь. Региононь ды межмуниципальной смустень китнень витнемстэ тевс нолдавить материалтнэ, конат ладить ТР ТС 014-2011 Таможнянь Союзонь Технической регламентэнтень.
2019 иестэ тешкстазь государственной вете контрактт од вешематнень коряс, те 11,6 % нацпроектэнь топавтоманть лувсо тешкстазь государственной контракттнэнь эйстэ.
Ледстясынек, Россиянь Президентэсь Владимир Путин яволявтсь 12 нацпроектт: «Демография», «Культура», «Здравоохранение», «Образование», «Жилье и городская среда», «Экология», «Безопасные и качественные автомобильные дороги», «Производительность труда и поддержка занятости», «Наука», «Цифровая экономика», «Малое и среднее предпринимательство и поддержка индивидуальной предпринимательской инициативы», «Международная кооперация и экспорт». Раськень проекттнэнь прявт тевесь – Россиянь эрьва ломаненть ды эрьва семиянть эрямосо вадря ёнов алкуксонь полавтоматне.
Мордовиясь ули федеральной 56 проекттнэсэ, конат аштить раськенсетнень пельксэкс.