Предприятиянь прявтось Александр Толайкин евтнесь региононь руководителентень: те проектэнть лувсо строязь теплица, проектэнь виензэ – 1,2 млн чувтынеть иезэнзэ.
Тесэ кастозь чувтынетнень покшолматне лездыть аволь ансяк Мордовиянть пештемс видемань материалтнэсэ, истя жо микшнемс лия регионтнэс. Истямо тев производительтнень икелев путокшнось региононь руководителесь. Ансяк мелят миезь 150 тежат пичень истят озавтовкст.
Предприятиясь топавты производствань пешксе цикланть – видьметнень пурнамостонть ды видемастонть саезь, керямонь, обработканть ды производстванть видьс. 16 тежат гектартнэнь покшолмасо модань участкатнесэ компаниясь вети пичетнень кастомань ды керямонь свалшкане молиця тевенть. Предприятиянь арсематнесэ – кедрань, туянь, кузонь озавтовкстнэнь кастомась.
Предприятиясь 2023 иестэнть истя жо рамась автоматизированной линия поддонтнэнь производстванть туртов, тень вельде тевс нолдави берянь чувтось, райононь эрицятненень максозь важодемань башка таркат.
Мелят предприятиясь нолдась переработкас 2 тежат кубометрат кругловой вирь, миезь 690 кубометрат пиломатериалт. Компаниясь истя жо ушодсь поддононь ды лазнозь пенгень анокстамонть ды микшнеманть.
Александр Толайкин тешкстызе, тедеде арсеви строямс цех чувтонь переработканть туртов, производствань покшолматнень кастоманть туртов. «Минек предприятиянь курсось – кемевикс, конкуренциянь кирдиця продукциянь нолдамось ды миемань од рынкатнень саемась», – мерсь сон.
Артём Здунов кирдинзе компаниянь арсематнень ды арсесь производствань изнявкст.
Мордовия Республикань Прявтонь Пресс-службась