МР-нь Экономикань, микшнемань ды предпринимательствань министерствань пачтямонть коряс, республикань бизнесэсь эрязасто нолды тевс федеральной ды региононь лездамонь енкстнэнь. Банктнес ды Предпринимательствантень лездамонь фондонтень кредитэнь каникулатнень коряс пшкадсть МСП-нь малав 300 субъектт. Кредитэнь льготань программатнень коряс каязь 160 яволявтомат (1,5 млрд целковойтнес).
Максозь 79 микрозаймт 225 млн целковойтнень питнесэ, гарантиянь фондось макссь 11 поручительстват 44 млн целковойтнень коряс.
Республикань Прявтось тешкстызе, регионсонть кемекстазь лездамонь тевтненень покш мель явить предпринимательтне.
Республикасонть свалшкань лувсо ветяви розницань питнетнень коряс ваномась. Товартнэнь лангс розницань вешемась сась нормас.
Мордовиянь велень хозяйствань ды продовольствиянь министерствань пачтямонть коряс, эрьва недлянь ванноматнень лувсо республикань перерабатывающей предприятиятнень продукциянть лангс нолдамонь (отпускной) питнетнень касома апак редя, валгсть питнетне ловсонть, скалоенть, тувонь сывеленть, капстанть лангс.
Мордовиянь строительствань ды архитектурань министерствань пачтямонть коряс, республикасонть прявт застройщиктнень коряс эрямо таркань кавонзазь метратнень питнетнень ванномась невтизе иенть ушодовомсто 25-30% касоманть. Текень пингстэ эрязасто нолдавить тевс ипотекань кредиттнэнь коряс программатне. Федеральной уровнясонть процентэнь ставкась валгсь 9% видьс. Анокстазь ставкань валгстомань региононь программа: рынкасонть ули кредитования 6,7% коряс, семиянь ипотекасонть ули программа дифференцированной ставканть коряс: 2,9 % саезь васенце иестэнть ды 5,7% видьс – меельце иетнестэ. Весе неть тевтне лездыть ламолгавтомс эрямо таркатнень миеманть.
Истя жо тешкстазель, неень шкане а редяви строямонь прявт материалтнэнь лангс питнетнень касома.
Свалшкань ваннома ветяви промышленной предприятиятнень важодемаст мельга. Республикань Минпромонь пачтямонть коряс, неень шкане республикань системань теиця 9 предприятиятне яволявтсть производствань вийтнень 100 проценттэ седе аламос пештемадонть. Сынст ютксто эрьвась ашти башка ванновт ало. Важодицятне, конатнень арась тевест, ютавтовить нурька шкань важодематнес.
МР-нь эрицятнень социальной ванстомань, трудонь ды занятостень министерствань пачтямонть коряс, системообразующей ды градообразующей предприятиятнень важодицятнень пельде занятостень службантень пшкадематнень ламолгадома а редяви.
Мордовия Республикань Прявтонь пресс-службась