НеРеспубликань мельвановикс эрицят! Россиянь регионтнэсэ ды омбо мастортнэсэ эрзянь-мокшонь диаспорань мельвановикс представительть! Евтан тенк поздоровт эрзянь ды мокшонь кельтнень Весероссиянь чинть кувалма!
Раськень кельтнень ванстомась ды сюпалгавтомась - прявт тевтнестэ вейкесь, конась течи ашти властень региононь институттнэнь ды общественной движениятнень икеле. Те важодемань эрявиксчинть аволь весть тешкстакшнызе минек государствань лидерсь В.В.Путин.
Миненек эряви свал кирдемс мельсэ, раськень келесь ды культурась целанек эрить ансяк сестэ, зярдо ванстовить духовной, нравственной юртнэ ды койтне-кирдатне. Секскак минь арсетянок весемеендо лездамс весе масторонь этнокультурной пространствасонть эрзянь-мокшонь художественной валонь кастомантень-кепетемантень, келейгавтомс сонзэ тевс нолдамонть эрямонь эрьва кодат енкстнэсэ: семиясо, государственной учреждениятнесэ, Интернетсэ.
Седейшкава евтан весенень поздоровт кенярксчинть кувалма!
Мордовия Республикань Прявтонть тевтнень топавтыцясь А.А. Здунов