Мордовия Республикань Прявтокс кармамодо мейле васенце указтнэстэ вейкесэнть Артём Здунов ладясь сенатор, конась карми невтеме региононть Федерациянь Советсэнть.
«О порядке формирования Совета Федерации Федерального Собрания Российской Федерации» Федеральной закононть ды Мордовия Республикань Конституциянть коряс Мордовия Республикань Прявтось Артём Здунов макссь Россиянь Федерациянь сенаторонь - Мордовия Республикань государственной властень исполнительной органонть пельде представителень полномочият Сергей Иванович Кислякнень.
Указось тешкстазь ды совась вийс таштамковонь 29-це чистэ.
Справкась:
Сергей Иванович Кисляк - Россиянь дипломат ды государственной деятель. Дипломатонь важодемасонть - 1977 иестэнть саезь, важодсь СССР-нь МИД-нь центральной аппаратсонть ды омбо мастортнэсэ.
1998-2003 иетнестэ - Бельгиясо Россиянь Федерациянь Чрезвычайной ды Полномочной Посолось ды теке шкане НАТО-нть пингстэ Россиянь свалшкань представитель.
2003-2008 иетнестэ - Россиянь Федерациянь омбо масторонь тевтнень министрань полавтыця.
2008 иень таштамковсто саезь 2017 иень медьковс - США-со Россиянь Федерациянь Чрезвычайной ды Полномочной посол, Вашингтонсо Американь государстватнень организациянть пингстэ Россиянь Федерациянь свалшкань наблюдатель. 2017 иень таштамковсто саезь - Федерациянь Советэнь член. Мордовия Республикань государственной властень исполнительной органонть пельде представитель. Федерациянь Советэнь раськеютконь тевтнень коряс комитетэнь председателень васенце полавтыця.
Мордовия Республикань Прявтонь пресс-службась