Мордовиянь Прявтось Артём Здунов ожоковонь 14-це чистэ тешкстась Указ Мордовия Республикань Цифровой виевгавтомань министракс Игорь Вольфсононь аравтомадо.
Игорь Анатольевич чачсь 1967 иестэ Свердловск ошонть. 1991 иестэнть прядызе Н.П.Огаревонь лемсэ МГУ-нть "Промышленная электроника" специальностенть коряс.
Важодеме ушодсь 1991 иестэ Н.П.Огаревонь лемсэ МГУ-нь управлениятнень системань НИИ-нть инженерэкс. 1992-1995 иетнестэ важодсь Мордовиянь госуниверситетэнь промышленной электроникань кафедрань инженерэкс. 1995-2005 иетнестэ - Саранскоень ГТС-нь инженер, «Связьинформ» ОАО-нь сюлмонь од технологиятнень отделэнь прявтонь полавтыця, сюлмонь од технологиятнень отделэнь прявт (2002 иестэнть саезь «ВолгаТелеком» ОАО-нь Мордовия Республикасо филиал). Теде мейле ульнесь «ВолгаТелеком» ОАО-нь Мордовия Республикасо филиалонь прявт инженерэнь полавтыцякс, «ВолгаТелеком» ОАО-нь Удмуртия Республикасо филиалонь прявтонь васенце полавтыцякс, «ВолгаТелеком» ОАО-нь генеральной прявтонть полавтыцякс - «ВолгаТелеком» ОАО-нь Мордовия Республикасо филиалонь прявтокс (мейле «Ростелеком» ОАО-нь Мордовия Республикасо филиалонь прявтокс).
2018 иень медьковсто саезь - Мордовия Республикань Информатизациянь ды связень министра, 2021 иень даволковсто саезь - Мордовия Республикань Информатизациянь ды связень министрань тевтнень топавтыця.
Улить государственной награданзо: Славань III степенень орден, МР-нь Правительствань Почетонь грамота. Мордовия Республикань Связень Заслуженной важодиця.