Башка мель явозель сенень, кода районось топавты республикань Прявтонть кармавтоманзо, васняяк – муниципальной образованиянь эсензэ доходтнэнь кастоманть коряс.
«Налогооблагаемой базанть покшолгавтомга минь ютавтынек аволь регистрированной объекттнэнь инвентаризациянть, хозяйственной оборотс сынст совавтомга, – тешкстызе Харис Якуббаев. – Редязь аволь регистрированнойть 802 башка кудот, 1305 модань участкат, апак теевте 83 производственной объектт. Истя жо минь ваннынек ванськавтомань сооружениятнень питнест, конат совавтозь муниципальной ули-паронтень ды максозь арендас. Иентень арендань питнесь покшолгавтозь 9-ксть – 20 млн целковотнес. Истя жо ваннови велень хозяйствань модатнень кадастрань учетось. Весе неть тевтне лездыть тенек тедеде покшолгавтомс райононть эсензэ доходтнэнь 23 млн целковойтнес».
Промкссонть ваннызь, кода Инсаронь енкссо моли нацпроекттнэнь топавтомась, истя жо китнень строямонь, территориятнень вадрялгавтомань-мазылгавтомань, каладозь кудотнестэ одс эрицятнень ютавтомань, велетнень кастомань-кепетемань коряс программатнень.
Райононь прявтось энялдсь лездамс муниципальной образованиянтень поликлиникань педе пев витнемасонть ды коммунальной техникань рамамосонть.
Мордовия Республикань Прявтонь пресс-службась