Од морыцятне морызь Ине Изнямонь содавикс моротнень: «Священная война», «Стань за Веру, Русская земля», «Темная ночь», «Жди меня», «Журавли», «Катюша», «День Победы».
Республикань Прявтось истя жо ваннызе Фонтанонь валгомасо волонтеронь вейсэндявкстнэнь экспозициянть, тосо ютавтовсь СВО-нть кирдемга «Мы вместе» акциясь. Тесэ важодсть ламо площадкат, эрьвантень меревсь ванномс, мейсэ доброволецтнэ лездыть СВО-нь участниктненень, истя жо примамс участия эрьва кодат мастер-класстнэсэ, сынст ютксо кекшемань алтыматнень, флажоктнень, чевте налшкетнень теемань коряс.
Артём Здунов кортась волонтёртнэнь, ошонь эрицятнень ды инжетнень марто. Кекшемань алтыматнень парсейнетнень лангс ломантне сермадсть арсемат минек боецтнэнень. Республикань Прявтось истя жо кадынзе эсь арсеманзо.
Мордовия Республикань Прявтонь пресс-службась