Кабелень промышленностень мельвановикс важодицят! Евтан тенк поздоровт профессиональной кенярксчинть кувалма!
Течи тынк отраслянь продукциявтомонть а ули масторонь тевдеемань вейкеяк сферась - те невтегазовой комплексэсь, атомной станциятне, сюлмонь систематне ды ламот лият. Тынк важодемась свал карми питней ды эрявикс.
Кабелень отраслянь предприятиятне - Мордовиянь промышленностенть каштанчизэ. Промышленной кластерэсь эрязасто виевгады республикасонть 2000 иестэнть саезь.
Мордовиянь кабельщиктне молить икеле ламот енкстнэнь коряс, сынст ютксо важодемань таркатнень теемась ды зарплататнень кастомась. Покш перспективат панжи цифровой экономикань теемась. Цифровой сюлмо улезэ тонавтомань учреждениятнесэ, больницятнесэ, администрациятнесэ. Предприятиятнесэ арсить ютамс пешксе циклань технологиянтень - омбо масторонь анокставкстнэ полавтовить эсенек масторонсетнесэ.
Течи кабелень промышленностесэ важодить покш квалификациянь специалистт, вадря руководительть, производствантень шкастонзо совавтовить од енкст.
Кеман, тынк профессионализманть вельде минек кабелень предприятиятне кармить кемекстамо таркаст кода эсенек, истя жо омбо масторонь рынкатнесэ.
Седейшкава арсян отраслянь весе важодицятненень кеме шумбрачи, уцяска ды паро эрямо!,