Ледстясынек, «Иннополис» экономикань башка зонась теезь Татарстансо 2012 иестэ. Неень шкане сонзэ юрсо эсь проектэст топавтыть 342 покш технологичной компаният, сынст юткс совить 136 резидентт, 59 партнёрт ды 147 стартапт. Сынст ютксто 42 компаниятне совить вишка технологической предприятиятнень реестрантень. Инвестициятнень вейсэнь покшолмась кармась 214,9 млрд целковойть, компаниятнень иень выручкась - 64,6 млрд целковойть, теезь 11 200 седе ламо важодемань таркат. «Иннополис» ОЭЗ-сь полады эрязасто касомо-кепетеме, келейгавты инфраструктуранть, строявить од технопаркт ды виевгавтовить производственной зонатне. ОЭЗ-нть марто вейсэ Иннополисэнь экосистеманть прявт пельксэкс ашти Иннополис Университетэсь, конась истя жо аноксты специалистт информационной технологиятнень ды робототехникань енкссо.
Енкстнэ кортасть Мордовиясо нолдазь строямонь материалтнэнь «Иннополис» ОЭЗ-нь производствань вийтнень виевгавтоманть туртов пачтямодост. Эсь продукцияст невтизь «Виолет» ООО-нь генеральной прявтось Александр Земченко ды «Лато» АО-нь коммерческой прявтось Ахат Бексеитов.
Мордовия Республикань Прявтонь Пресс-службась