Медьковонь 16-це чистэ РФ-нь Правительствань Председателень полавтыцясь Марат Хуснуллин ды Мордовия Республикань Прявтонь тевтнень топавтыцясь Артём Здунов ваннызь Саранскойсэ ды Рузаевкасо эрямо таркань ды килангонь стявтомань объекттнэнь.
Истя жо важодемань курось ваннызе стявтовиця универсальной залонть, кона ашти Тёжа иень вейсэндямонь площадьсэ - ледстясынек, Россиянь Правительствась кемекстась кармавтома явомс сонзэ стявтомань прядомантнень 851,8 млн.целковойть.
Истя жо вице-премьерэсь ды МР-нь Прявтонь тевтнень топавтыцясь ваннызь 3, 4, 5 микрорайонсо ламо этажонь кудонь стявтоманть, те таркась ашти Волгоградской куронть ды Кочкуровав ютыця кинть ютксо, кортызь эрямо таркань стявтомань стимулированиянь программасо Мордовиянть улеманзо, сонзэ вельде од микрорайонтнэсэ кармить социальной ды коммунальной инфраструктурась ды од килангот.
Те лезды седе курок строямс-стявтомс тарканть, паролгавтомс сонзэ инвестортнэнь туртов, конат стявтыть кудот, истя жо ломантнененьгак, кить рамить кудо.
Теде башка, Марат Хуснуллин ды Артём Здунов ваннызь, кода республикасо стявтовить киланготне, сынст ютксо Рузаевка ваксска молиця кись.
Мордовия Республикань Прявтонь Пресс-службась