Эсень ды минек Мордовиянь весе эрицятнень пельде евтан тенк седейшкавань поздоровт профессиональной кенярксчинть кувалма!
Чинь куш кона шкастонть, оймсема чивтеме ды оймсема шкавтомо, тынь бороцятадо сехте питнеенть – шумбрачинть ды эрямонть кисэ, сатадо лездамо стака шкастонть. Сюкпря тенк профессионализманть, эсь прянь а ванстоманть ды ломантнень идемань прявт тевентень кемевиксчинть кисэ. Тынь минек туртов алкуксонь мужествань, героизмань ды оймень виевчинь невтевкс.
Уш кавто иетнень перть тынь бороцятадо коронавирусонь инфекциянть каршо. Апак вано покш стакачинть лангс, тынь кадовтадо кемевикст эсенк долгонтень, пек вадрясто топавтадо эсь тевенк. Тынь аволь ансяк явтадо покш квалифицированной лезкс, тынь казтядо эсь оймень пельксэнть, макстадо вадрянтень кемема.
Ломантнеде ды сынст шумбрачидест мелявтомась – минек вейсэнь тевесь. Минь поладсынек важодеманть явовиця лезксэнь вадрячинь ды доступностень кастоманть, минек медработниктнень туртов важодемань ды эрямонь условиятнень тееманть коряс.
Поздоровонь ды сюкпрянь башка валт ветерантнэнень. Сюкпря медицинань лезксэнь куроксто явомань службань кемекстамонтень покш путовксонть, вадря важодемань иетнень ды сядот идезь эрямотнень кисэ. Тынк пек питней опытэсь ды содамочитне свал кармить эрявомо од ломантненень, профессиянтень кемевиксчись карми вадря невтевксэкс.
Вечкевикс ялгат! Арсян кеме шумбрачи, часия ды паро эрямо тыненк ды тынк семиятненень!
Мордовия Республикань Прявтось А.Здунов