«Огарев Аренасо» «Действуй» фестивалесь вейсэндинзе инжетнень интерактивной площадкатнесэ, шкинемань мастерскойтнесэ, конатне дивавтсть, сехте прявтось – вейсэндясть фестивалень участниктнень, сынь кармасть паро ялгакс ды кемевикс партнерокс.
Покш мероприятиянь участниктненень видеонть вельде пшкадеманзо кучизе Россиянь Президентэсь Владимир Путин, сон арсесь од ломантненень топавтомс икелест путозь тевтнень видечинть ды алкуксчинть лемс.
Мордовиянь Прявтось Артём Здунов, «Огарев Аренасо» инжетненень пшкадемстэ, тешкстызе, Од ломанень масторлангонь фестивалесь ютавтови Россиянь Президентэнть вельде, ды евтась сюкпря омбо масторонь государствань весе представительтненень ялгаксчинь те покш мероприятиясонть улеманть кисэ.
«Фестивалесь прядови – минек вейсэнь тевдеемась ансяк ушодови, ды сон карми виевгадомо седе тов, – мерсь республикань руководителесь. – Минь содавтадызь тынк минек койтнень-кирдатнень, культуранть марто. Мордовиясь – покш Россиянь а явовиця пелькс, Россиянь Федерациясь – сэтьмечинь, чарькодемань ды видечинь кемевикс нежедькс!»
Артём Здунов тешкстызе: Мордовиясь – ояксчисэ эриця ламо раськень республика, косо сэтьмечисэ ды чарькодемасо эрить 90 раськетнень представительтне. Региононь руковидетелесь арсесь: «Действуй» фестивалесь кармазо сонзэ участниктнень туртов од изнямотнень ушодксокс.
Италиясто инжесь Пьетро Страмецци фестиваленть панжомсто мерсь: «Седе мейле, кода мон карминь тонавтнеме Россиянь историянть ды койтнень-кирдатнень, ловномо Достоевскоень, чарькодинь: монь оймем рузонь, ды монь седеем – Россиянть марто. Те фестивалесь невтизе: масторлангонтень эзь удала а меремс ине Россиянть. Виесь вейсэндявомасонть, сэтьмечисэнть ды вечкемасонть! Кирдеде каштанчи сень кувалма: тыненк мереви лемдемс эсь прянть рузонь ломанекс!»
Мордовия Республикань Прявтонь Пресс-службась