Евтан сехте лембе ды седейшкавань поздоровт пек вадря тевенть - «Мордовия» ГТРК-нь «Сияжар» раськень вещаниянь отделэнтень 30 иетнень топодеманть кувалма!
Тынк эфиртнэсэ кепедевить тиринь келень сюпалгавтомань ды ванстомань, раськень искусстванть ды фольклоронть седе тов шаштомань прявт кевкстематне. Ванновтонть ало – раськень-конфессиональной кевкстематне, историянь ледстнематнень ванстомась ды, нама, «культуратнень диалогось».
«Мордовия» ГТРК-нь медиаконтентэсь тееви ниле кельсэ – рузонь, мокшонь, эрзянь, татаронь. Покш смусть канды важодемась, конань тынь ветятадо эрзянь-мокшонь ды татаронь диаспоратнень марто, лия регионтнэстэ раськень СМИ-тнень марто вейсэнь тевдеемась ды вейсэнь проекттнэ. Тынк бажамонк вельде минек республикадо, тесэ эриця ломантнеде материалтнэ лиснить Мордовиянть томбале.
Важодемань иетнень перть пурназь раськень журналистикань профессионалтнэнь коллективесь, ламот корреспондентнэ аволь весть лиснесть весероссиянь ды регионъютконь пелькстамотнень изницякс ды призерокс. Текень марто тесэ свал кенярдыть ероков од ломантненень. Кеман, редакциясь седе товгак карми кенярдовтомо ваныцятнень од форматтнэсэ ды программатнесэ.
Арсян тенк шкинемасо изнявкст, уцяска, шумбрачи ды паро эрямо!
Мордовия Республикань Прявтось А.Здунов