Андрей Геннадьевич чачсь Отяжбуень Аловелесэ. Прядызе СССР-нь МВД-нь Ивановань пожарно-технической училищанть, мейле – СССР-нь МВД-нь Высшей инженерной пожарно-технической школанть. Ютась тонавтнема Россиянь МЧС-нь Государственной противопожарной службань Академиясонть «Государственное и муниципальное управление» специальностенть коряс.
Важодеме ушодсь 1986 иестэнть Мордовиянь АССР-нь МВД-нь пожарной охранань отделэнь 1№ самостоятельной военизированной пожарной частень караулонь прявтокс, 1989-1994 иетнестэ важодсь Мордовиянь АССР-нь МВД-нь пожарной охранань отделэнь толонь мадстемань руководителень лездыцякс, Мордовиянь АССР-нь МВД-нь толонь а нолдамонь авариянь-идемань службань толонь мадстемань дежурной службань толонь мадстемань руководителень старшей лездыцякс, мейле - Мордовиянь АССР-нь МВД-нь толонь а нолдамонь авариянь-идемань службань толонь мадстемань дежурной службань толонь мадстемань руководителень полавтыцякс.
1994-2002 иетнестэ ульнесь МР-нь МВД-нь толонь а нолдамонь государственной службань управлениянь толонь мадстемань службань прявтокс, 2002-2003 иетнестэ – МР-нь МЧС-нь толонь а нолдамонь государственной службань управлениянь толонь мадстемань службань прявтокс.
2003-2005 иетнестэ важодсь Мордовия Республикань Гражданской оборонань ды апак учонь зыянов тевтнень коряс министерствань толонь мадстемань службань ладямонь ды авариянь-идемань тевтнень ютавтомань отделэнь прявтокс, управлениянь прявтонь полавтыцякс - толонь мадстемань тевтнень управлениянь вийтнень анокстамонь ды тевс нолдамонь отделэнь прявтокс.
2005 иестэнть саезь Андрей Геннадьевичень важодемазо сюлмавозь Мордовия Республикава Россиянь МЧС-нь Главной управлениянть марто. 2010 иенть самс важодсь МР-ва Россиянь МЧС-нь ГУ-нь материально-технической обеспечениянь управлениянь прявтокс, мейле - МР-ва Россиянь МЧС-нь ГУ-нь прявтонь васенце полавтыцякс. 2011-2022 иетнестэ ульнесь Мордовия Республикава Россиянь МЧС-нь Главной Управлениянь прявтокс.
Мордовия Республикань Заслуженной идиця. Казезь «За отвагу на пожаре» медальсэ, «За заслуги перед Отечеством» орденэнь II степенень медальсэ, «За самоотверженный труд» отличиянь тешксэ.