Мордовия Республикань Прявтонь тевтнень нурька шкас топавтыцянть Артём Здуновонь Авань чинть кувалма поздоровонзо

Мордовия Республикань Прявтонь тевтнень нурька шкас топавтыцянть Артём Здуновонь Авань чинть кувалма поздоровонзо

Ёвтан седейшкавань поздоровт аватненень, республикань весе эрицятненень вечкевикс ды валдо кенярксчинть — Авань чинть кувалма!

Минек ютксто эрьванть туртов авадонть башка арась седе малавикс ды питней ломань. Тынь, мельвановикс ават, казтядо эрямо ды эждтядо эйкакштнень оймень лембесэнк. Авась — те мелявтомань, превейчинь, оймень ваньксчинь ды седеймарямонь невтевкс. Мартонок вейсэ сон кенярды минек изнявкстнэнень, сонензэ минь пшкадтяно эрямонь стака шкатнестэ. Сюкпрянь башка валт аватненень, кить сайсть трямс-кастомс уроз ды тетяст-аваст ванновтомо кадовозь эйкакшт.

Аватненень мелень явомась, ламо эйкакшонь кастыця, од ды эйкакш марто весе семиятненень лездамось аштить государствань виевгавтомань прявт лувокс. Минь свал карматано нежедеме тень лангс республикань социальной политикань ютавтомсто.

Маласо шкастонть миненек сави ламо теемс нацпроекттнэнь топавтоманть лувсо. Виевгавтови эйкакшонь здравоохранениясь, явовить ярмакт семиятненень эйкакштнень чачтомсто, теевить весе условиятне дошкольной, общей ды дополнительной образованиянть получамс, апак вано сень лангс, косо эйдетне эрить.

  Вечкевикс ават! Сюконятано икеленк вечкеманк ды цидярдоманк, эрьвачинь аволь шожда тевенк ды мелень явоманк, лезксэнк ды простямо маштомачинк кисэ. Кадык паро эрямось ды сэтьмечись зярдояк а тукшныть тынк семиясто, кадык тынк кудотнесэ свал гайги эйкакшонь кенярксов пейдемась! Кадык тынк эйкакшонк ды нуцьканк касыть уцяскав ломанекс ды кенярдовтыть тынк изнявкссост!

  Седейшкава арсян тыненек ды семиянк туртов часия, кеме шумбрачи ды вадря эрямо!

Мордовия Республикань Прявтонь тевтнень нурька шкас топавтыцясь Артём Здунов