Мордовиянь СМИ-нь мельвановикс важодицят! Вечкевикс ветерант! Ёвтан Тенк седейшкавань поздоровт профессиянь кенярксчинть – Россиянь печатень чинть кувалма!
Те чись эрьва кодамо профессиянь ломантнень: журналисттнэнь, редактортнэнь, издательтнень, полиграфисттнэнь, почтань важодицятнень – весень, эрьва чинь важодемаст вельде теить минек республикань ды весе масторонь кулянь пространстванть.
Ламосо тынк важодеманть вельде Мордовия Республикась течи – те стабильной регион, косо сэтьмечисэ ды чарькодемасо эрить ламот раськетне ды конфессиятне, виевстэ топавтовить экономикань ды социальной стакачитне, совавтовить эрямос виевгавтомань федеральной ды региононь программатне. Минек опыттнэнть свалшкане кортыть весероссиянь келес, тень вельде теить Мордовиянь вадря имидженть.
Икеле минек учи вейсэнь важодема промшленностесэ, велень хозяйствасо, социальной сферасо. Минь карматанок тееме од производстват ды важодемань таркат, шумбралгавтомо финансонь системанть, лездамо ёроков од ломантненень, кить карми кандомо лезэ тиринь ёнксонтень. Тесэ эряви региононь СМИ-нь пек вадря важодемаст. Кеман лезэнь кандыця вейсэнь важодеманть лангс, конань вельде виевгады минек тиринь Мордовиясь.
Сюкпрянь лембе валт печатень ветерантнэнень. Кулянь максомань шкась пек полавтовсь. Ансяк отраслясонть важодемань юрокс кадовить профессионализмань, мелень явомань, сёрмадомо маштомачинь койтне, конатнень путынк тынь.
Арсян тыненк ды малавиксэнк туртов шумбрачи, шкинемасо од изнявкст ды паро эрямо! Россиянь печатень чинть марто!
Мордовия Республикань Прявтонь тевтнень топавтыцясь А.А. Здунов