Мартонь 3-це чистэ Мордовиянь Прявтось Владимир Волков ютавтсь зярыя вастовомат Московсо.
Россиянь Правительствань Председателень полавтыцянть Дмитрий Козаков марто Владимир Волков кортась эрямо таркань строямонь ды 2018 иень Футболонь коряс мирэнь чемпионатонтень анокстамонь программатнень топавтомань кевкстематнеде. Футболонь сы шкань чемпионатонтень алтазель Мордовия Республикань Прявтонть ды Правительствань Председателень полавтыцянть Виталий Мутконь вастовомась. Республикань Прявтось тешкстызе, важодемась моли графикенть коряс, лия ёнксстнэсэ - икельдязь. Весе объекттнэ улить анокт иенть прядовомс.
Владимир Волков истя жо вастовкшнось Россиянь Финансонь министрань полавтыцянть Леонид Горнинэнь марто. Кортамось мольсь республикань бюджетэнтень лезксэнть явомадо, сонзэ пештемадо, 2017 иес республикань социально-экономической программатнень финансированиядо.
Мордовия Республикань Прявтонть пресс-службась