«Минек 1200 потявтовиця скалонок, чинь-вень перть нолдатано 35 тоннат ловсо. 2017 иестэнть саезь минь нолдатано тевс кадозь модатнень видемань паксятнень келейгавтоманть туртов, тедеде видтяно 7,5 тежат гектарт», – тешкстызе сон.
Мордовиянь Велень хозяйствань ды продовольствиянь министрась Александр Кечайкин мерсь, видемань тевтне ушодовсть республикань весе енкстнэсэ.
Ледстясынек, Мордовиянь Прявтонть Государственной Собраниянтень Кучомасонть путозь тев тедеде пурнамс 1,5 миллиондо ламо тоннат сюро, вете иетнень перть лисемс кавто миллионт тоннатнес.
Артём Здунов кортась аграрийтнень ды республикань Минсельхозонь руководстванть марто удобрениятнень ды запчастнень рамамонь кевкстематнеде. Министрантень кармавтозь куроксто ютавтомс важодеманть Россиянь Минпромторгс яволявтомань анокстамонть коряс, конасонть тешкстави республикань велень хозяйствань предприятиятнень омбо масторонь производительтнень пельде рамсевиця комплектующейтнень коряс эрявиксчись.
Мордовия Республикань Прявтонь пресс-службась