Тов совасть: республикань Правительствань председателень полавтыцясь Батыр Эмеев ды вирень, охотничьей хозяйствань ды природопользованиянь министрась Адель Галиуллин. Важодемань содавтоманть лувсо бизнес-миссиясь карми важодеме Мордовия Республиканть ды Красноярской енксонть ютксо кавто ендонь вейсэнь тевдеемань кемекстамонть лангсо.
Васенце деловой вастовомась ютавтовсь Красноярской енксонь Правительствань Председателень полавтыцянть Алексей Медведев ды исполнительной властень органтнэнь руководительтнень марто, конат ветить промышленностень, микшнемань, туризмань ды образованиянь енкстнэнь.
Адель Галиуллин кортась енксонь пертьпельксэнь ресурстнэнь ды вирень комплексэнь министранть Алексей Панов марто. Мордовиянь вирень, охотничьей хозяйствань ды природопользованиянь министрась теевсь содавиксэкс енксонь Лесопожарной куншкакуронь региононь диспетчерской службанть важодеманзо марто. Алексей Иванович евтнесь кирвазематнень редямонть туртов БПЛА-нь тевс нолдамонь коряс эсь опыттэнть.
«Мордовиясо истя жо арсеви рамамс пилоттомо ливтнемань аппаратт. Федеральной бюджетэнь ярмактнень лангс рамавить 8 беспилотникть. Весемезэ вирень хозяйствасонть кармить 11 БПЛА-т, конат лездыть редямс кирвазематнень, чувтотнень аволь закононь коряс керямотнень», – евтнесь Адель Галиуллин.
«Красноярской енксось – Россиянь эрязасто виевгадыця регион, сонзэ покш экономической ды социально-культурной потенциалозо, – тешкстызе Мордовия Республикань Правительствань Председателень полавтыцясь Батыр Эмеев. – Мордовиянть ули мелезэ виевгавтомс микшнемань-экономической, научно-технической ды культурань сюлмотнень. Ансяк мелят минек регионтнэнь ютксо товарооборотось кармась 1,34 млрд целковойть. Арсематнесэ – кастомс покшолматнень».
МР-нь Пресс-центрась