Мордовиянь культурань ды искусствань мельвановкс важодицят! Вечкевикс ялгат! Ёвтан тенк седейшкавань поздоровт Культурань важодицянь чинть кувалма!
Тынк тевдееманк вельде Мордовиясь ашти Россиянь ды финнэнь-угрань весе масторонть культурань куншкакурокс. Минь кирдтянок каштанчи ёроков композитортнэнь, сёрмадейтнень, поэттнэнь, скульптортнэнь, артыцятнень, актёртнэнь ды музыканттнэнь тевдеемаст кувалма. Эрзянь-мокшонь музейтне, библиотектане, театратне ды раськень культурань куншкакуротне топавтыть покш тев весероссиянь культурань кодонть ванстомга, конань лувсо – весе пигетнень а сезевиця сюлмось, тиринь Отечествантень вечкемась, минек моданть лангсо эриця раськетнень ютксо ялгаксчись ды чарькодемась.
Ёвтан тенк сюкпря шкинеманк, паро тевенк ды вадрянтень кемеманк кисэ. Кеман вейсэнь лезэнь кандыця важодеманть лангс Мордовиянь культурань сферанть виевгавтомань, раськень койтнень ды кирдатнень ванстоманть коряс. Кеман, вейсэнь вийтнесэ топавтовить икеленек путозь тевтне нацпроекттнэнь, виевгавтомань федеральной ды республикань программатнень коряс.
Арсян тыненк ды малавиксэнк туртов шумбрачи, паро эрямо ды шкинемасо од изнявкст!
Мордовия Республикань Прявтонь тевтнень топавтыцясь А.А. Здунов