Республикань здравоохранениянь мельвановикс важодицят ды ветерант! Седейшкава евтан тенк лембе валт профессиональной кенярксчинк кувалма - Медицинасо важодицянь чинть марто!
Врачт, медсестрат, фельдшерт, медицинань куроконь лезксэнь максомань важодицят, санитарт - весень тынк вейсэнди алкуксонь профессионализма, седеймарямо весе ломантненень, кие пшкади тенк лезкс мельга.
Тынк эйстэ ашти минек шумбрачись ды, лиясто, эрямоськак. Тынь цидярдынк пандемиянь весе стакачитнень, кой-кить нейгак поладыть важодеме якстере зонасо сэредицятнень марто.
Покш мель эряви явомс "Здравоохранение" национальной проектэнь топавтомантень. Медицинань паро лезксэнь максомантень Мордовиясо стявтовить од больницят лы поликлиникат, рамави неень шкань паро оборудования, районтнэсэ стявтовить вадря ФАПт. Весе неть од енкстнэнь прявт мелесь - кемекстамс республикань эрицятнень шумбрачист, улевель кувака эрямост.
Вечкевикс ялгат! Сюкпря тенк идезь эрямотнень ды цидярдоманть кисэ. Кадык тынь зярдояк а пшкадтядо коллеганк туртов.
Шумбрачи тенк ды весе сехте паронть! Покшчи марто!
Мордовия Республикань Прявтонь тевтнень топавтыцясь А.А. Здунов