Мордовиянь Прявтонь тевтнень топавтыцясь Артём Здунов медьковонь 21-це чистэ Московсо вастневсь «Корпорация Туризм.РФ» АО-нь генеральной прявтонть Сергей Суханов марто. Кортавсть республикасо туризмань виевгавтомань коряс кевкстематне. Васняяк, кортамось мольсь Мордовия Республикасо «Арзамас – Дивеево – Саров» паломникень-туристэнь кластерэнь проектэнь топавтомадо.
Эряви меремс, те иень якшамковсто Мордовиянь Прявтонь тевтнень топавтыцясь Артём Здунов ды Нижегородской областень губернаторось Глеб Никитин сермадстсть туризмасо ды «Арзамас – Дивеево – Саров» ды «Саранск – Темников – Санаксарь» паломникень-туристэнь кластерэнь проектэнь топавтомасо вейсэнь важодемадо соглашения. Соглашениянть вельде Мордовиясь ды Нижегородской областесь кармить вейсэ важодеме регионъютконь туристэнь маршруттнэнь теемасо ды невтемасост, теить условият предпринимательтнень тевест кепедемга. Те проектэсь лезды кастомс Темниковань райононь туристэнь ды инвестиционной енксонзо, максы те таркантень социально-экономической касома.
Мордовия Республикань Прявтонь Пресс-службась