Мордовиянь Прявтонь тевтнень топавтыцясь Артём Здунов Правительствань члентнэнь марто промкссонть яволявсть «Монь Мордовиям» кадрань проектэнь икелепелень невтевкстнэде. Яволявтомат каясть малав 5 тёжат ломанть – те эштё аволь весе, участниктнень регистациясь карми молеме чадыковонь 16-це чинтень. Ломантне явить проектэнтень покш мель.

Кода яволявтсь республикань руководителесь, сон кармась содамо, Мордовия Республикань Прявтонь Администрациянь ответственной лицятне бажить сёрмадстомс кадрань проектэнтень министерстватнень важодицятнень. Администрациянь руководителентень Андрей Богатовнень пшкадемстэ, Артём Здунов тешкстызе: «Миненек те а эряви ды а нолдасынек кадрань проектэнтень кемемань ёмавтоманть, конась топавтови «Россия – страна возможностей» Президентэнь платформанть лувсо». Ванноса, кие максы истят кармавтомат ды приман кадрань эрявикс решеният. Республикасонть ней ушодовсь лия шкась – кумовствась, кода те ульнесь икеле, властесэнть а карми».

Мордовия Республикань Прявтонть пресс-службась