Мордовиянь Прявтонь тевтнень топавтыцясь кортась Рузаевкань вадрялгавтомань-одкстомтомань кевкстематнеде

Мордовиянь Прявтонь тевтнень топавтыцясь кортась Рузаевкань вадрялгавтомань-одкстомтомань кевкстематнеде

Мордовиянь Прявтонь тевтнень топавтыцясь Артём Здунов даволковонь 22-це чистэ Рузаевкасо важодемань коряс улемстэ ваннызе Тёжа иень площаденть. Ледстясынек, те таркась витнезь «Жилье и городская среда» нацпроектэнь «Формирование комфортной городской среды» программанть лувсо. Площаденть теемс ютавтозь 35 миллионт целковойть. Площадесь кенерсь кармамс ошонь мазылгавтомакс ды ломантнень пурнавомань таркакс. Тесэ теезь условият од ломантнень ды эйкакш марто семиятнень, шумбрачинь киртязь возможность марто ломантнень, сыретнень ды весень туртов, кие вети эрямонь шумбра лув.

Артём Здунов кортась Рузаевка ёнксонь прявтонть Александр Сайгачев марто ошонь те пельксэнть седе тов вадрялгавтомадонзо. Чаво таркасонть арсеви ушодомс эрямонь од комплексэнь стявтоманть, истя жо ЗАГСонь од зданиянь строямонть.

Мордовия Республикань Прявтонть пресс-службась