Мордовиянь Прявтонь тевтнень топавтыцясь Артём Здунов чадыковонь 10-це чистэ ютавтсь субутань промкс нацпроекттнэнь коряс. Прявт кевкстемакс кармась «Формирование комфортной городской среды» проектэнть топавтомась. Кулянть коряс, конань пачтизе МР-нь жилищно-коммунальной хозяйствань, энергетикань ды эрицятнень гражданской ванстомань министерствась, строямонь тевтнень топавтомань контракттнэ тешкстазь весе объекттнэнь коряс, Ельниксэ общественной таркадонть башка. Те объектэнть Мордовиянь Прявтонь тевтнень топавтыцясь кармавтсь саемс башка ванновт алов, ледстизе, нацпроекттнэнь топавтоманть коряс аштить пшти шкат.
Весемезэ 2021 иестэнть федеральной проектэнть топавтоманть коряс Мордовиясо арсеви вадрялгавтомс-мазылгавтомс 75 кудотнень перька ды 8 общественной таркат, неть тевтнес эрявить 213 млн. целковойть. Теде башка, колмо муниципалитеттнэ – Орданьбуесь, Темниковась ды Рузаевкась, конат изнясть Ошонь комфортной средань теемань коряс сехте вадря проекттнэнь весероссиянь пелькстамосонть «Малые города с численностью населения от 20 до 50 тысяч человек» категориясонть, истя жо кармить вадрялгавтомо общественной таркат федеральной гранттнэнь лангс: Орданьбуесэ те площадь, Темниковасо ды Рузаевкасо – паркт.
Промкссонть истя жо кортасть «Обеспечение устойчивого сокращения непригодного для проживания жилищного фонда» федеральной проектэнть топавтомань кевкстематнеде.
Мордовия Республикань Прявтонть пресс-службась