Мордовиянь Прявтонь тевтнень топавтыцясь Артём Здунов эйзюрковонь 23-це чистэ Ромодановань ёнкссо важодемань коряс улемстэ теевсь содавиксэкс производствань прявт площадкатнень тевдеемаст марто. Республикань руководителесь ульнесь «Ромодановосахар», «ВагоноРемонтнаяКомпания» предприятиятнесэ, истя жо ваннызе «Европак» заводсонть упаковкань теемань коряс неень шкань линиянть.

Важодемань содавтоманть прядовомга Артём Здунов якась «Атьма» ООО-нь алашань фермантень, комо кирдить американь рысистой лишметь. Республикань руководителентень невтизь Россиянь ды раськеютконь чийнематнесэ изницятнень ды призёртнэнь. Прявт каштанчись - Southwind Queen, течинь чине Россиянь келес сехте бойка алашась.
Мордовиянь Прявтонь тевтнень топавтыцясь покш мель марто теевсь содавиксэкс алашань ферманть важодеманзо марто ды кортась предприятиянь руководителенть марто  хозяйстванть виевгавтомадонзо.

 Мордовия Республикань Прявтонть пресс-службась