Аштемковонь 10-це чистэ Московсо Мордовиянь прявтось Артём Здунов кортнесь Россиянь ФСИН-нь прявтонть Александр Калашников марто ФСИН-нь куротнеде, конат аштить минек республикасо. Вастовомасонть истя жо ульнесть Россиянь Федерациянь Государственной Думань депутатось, коррупциянь каршо бороцямонь ды безопасностень коряс Госдумань комитетэнь прявтось Василий Пискарев.
Кортамось мольсь республикасо пенитенциарной системань важодемадо, правопорядкань, учреждениятнень финансово-экономической ды производственно-хозяйственной тевтнеде. Ванновсть исправительной учреждениятнесэ од производствань нолдамонь ды заказонь теемань кевкстематне. Истя жо кепедевсь регионсо подразделениянь важодицятнень туртов медицинань лезксэнь максомань темась, сыненст эрямо таркань явомась ды социальной инфраструктурась.
Мордовия Республикань Прявтонь Пресс-службась