Мордовиянь Прявтонь тевтнень топавтыцясь Артём Здунов якшамковонь 21-це чистэ ютавтсь промкс 2021 иестэ инвестициятнень тердемань ды важодемань од таркатнень теемань коряс. Тешкстазель, мелят инвестициятнень покшолмаст кармасть 53,9 млрд. целковойть – те 97,3% 2019 иенть коряс (целанек Россиянь келес те невтевксэсь кармась 95,6%). Топавтозь инвестициянь 21 покш проект, теезь важодемань 1750 од таркат, сынст эйстэ 2020 иестэ – 865. Промышленностесэ покш инвестпроектт топавтсть «ЭМ-Кабель», «Рузхиммаш», «ВКМ-Сталь», «Стекольная компания «Развитие», «Плайтерра», велень хозяйствасо – «МолАгро», «Мордовский бекон», «Мордовский племенной центр», «Исток», «Авангард», «КомбиС», «Мир цветов».
2021 иень невтевксэсь – 1,3 тёжат важодемань таркат. Неень шкастонть инвестициянь кастомань прявт таркас ашти «Рузаевка» ТОСЭР-сь, тедеде тесэ теевить 500 ламо важодемань таркат.
Региононь Прявтонь тевтнень топавтыцясь тешкстызе, инвестициянь проекттнэнь топавтомась лезды теемс экономикань кастомань од таркат. «Ней эрьва министерстванть икеле ашти тев анокстамс аратлув инвестициятнень тердемаст коряс, истя жо господдержканть вельде», - мерсь Артём Здунов.
Мордовия Республикань Прявтонть пресс-службась