Мордовиянь Прявтонь тевтнень топавтыцясь Артём Здунов чадыковонь 9-це чистэ ютавтсь промкс Правительствань члентнэнь марто Саранскойсэ Тёжа иень площадьсэнть универсальной залонь строямонть прядомань кевкстематнеде.
Ледстясынек, сон стявтови 2011 иестэнть саезь ды ней ловови регионсонть апак прядо сехте покш объектэкс. Сонзэ максомань шкатне кандовсть аволь весть, строямонь тевтнень питнетне покшолгавтовсть. Неень шкане универсальной залось анок 84 проценттс.
Промкссонть кортасть, кода ливтемс объектэнть строямонть тевтнень одкстомтоматнес, кодат тевть, истя жо федеральной центранть марто, эряви кемекстамс.
Мордовия Республикань Прявтонть пресс-службась