Мордовиянь Прявтонть А.А.Здуновонь 2022 иестэ школань прядыцятненень пшкадемазо

Мордовиянь Прявтонть А.А.Здуновонь 2022 иестэ школань прядыцятненень пшкадемазо

Школань вечкевикс прядыцят!

Школань прядомась – эрямосо сехте талновтыця ды кенярксов шка. Тонавтнемань иетнень перть школась кармась тынк туртов омбоце кудокс, тонавтыцятне – кемевикс превс путыцякс, ве классо тонавтницятне – вадря ялгакс. Эрьва ломаненть туртов неть иетне кадовить валдо ледстнемакс, алкуксонь ялгаксчинь ды кенярксчинь, панжомань ды изнявксонь шкакс.
Течи тынь кочкатадо сы шкань профессиянть, вешнетядо вечкевикс тевенть. 

Вечкевикс ялгат, косо бу тынь аволинк поладо тонавтнеманть – минек республикасо эли лия регионсо, кирдеде мельсэнк, Мордовиясь свал учи эйсэнк. Тынк содамочитне, виесь, од мельтне-арсематне ды ушодкстнэ эрявить Чачома енксонтень. 

Кемеде эсь прянть лангс, панжадо седей марто вастодо весе одонть, мизолкс марто печтядо весе пирявкстнэнь! Тынк весемесь лиси!

Седейшкава арсян тенк кемемс паронтень, топавтомс путозь тевтнень ды вадрясто максомс экзаментнэнь!

Мордовия Республикань Прявтось Артём Алексеевич Здунов