«РМ Рейл» компаниянь генеральной прявтось Максим Тевс евтась сюкпря республикань руководителентень компаниянь ушодкстнэнь кирдеманть ды вейсэнь проекттнэнь топавтоманть кисэ, истя жо евтнесь предприятиятнесэ молиця тевтнеде.
«РМ Рейл» компаниянь производствань вийтнес совить вагононь строямонь ды литейной комплекстнэ, подвижной составонь витнемань ды обслуживаниянь коряс площадкатне, истя жо эсензэ инжинирингень куншкакурось, конась панжозь Мордовиянь Технопарконть юрсо. Важодицятнень киртямс а арсеви, предприятиятне важодить свалшкань лувсо.
Прявт енксокс кадови технической одкстомтозь характеристикатнень марто подвижной од составонть рынкас ливтемась, апак вано минек масторонть каршо кемекстазь санкциятнень лангс.
Холдингенть туртов эште вейке прявт тевекс ашти кадратнень анокстамось ды республикань тонавтомань учреждениятнень марто вейсэнь тевдеемась, тов истя жо сови Мордовиянь госуниверситетэсь.
Кортамось истя жо мольсь инженерэнь компетенциятнень виевгавтомасо вийтнень вейсэндямодонть. Максим Тевс тердизе республикань Прявтонть ванномс лия енов а молиця анокставкстнэнь-арсевкстнэнь презентациянть, конась ютавтови «Рузхиммашсо» аштемковсто. Истя жо кортасть «РМ Рейл» холдингень инжинирингень куншкакуронтень вейсэнь молемадо.
Мордовия Республикань Прявтонь пресс-службась