Промксонть панжомсто, региононь руководителесь тешкстызе, вастовомань прявт смустесь – пачтямс бизнес-вейсэндявксонтень региононть пельде лездамонь енкстнэде, кризисэнь а нолдамонть коряс федеральной уровнянь господдержкадонть, финансонь инструменттнэде ды занятостень коряс лезксэнь явомадонть. Тешкстызе, отраслянь представительтнень пельде учить талновтыця кевкстематнень витемаст коряс мельть-арсемат.
"Региононь промышленной кото покш холдингтне, конатнес совить 27 предприятият, уш совавтозь Россиянь экономикань системань теицятнень юткс. Те панжи сынст туртов банконь льготань услугатненень, финансонь лезксэнтень ды госгарантиятненень понгоманть. Республикань промышленной комплексэнть туртов анокставкстнэнь (сырьень), материалтнэнь, запчасттнень ды оборудованиянь од пачтицятнень вешнеманть туртов промышленностень региононь фондонть юрсо теезь Кооперациянть ды импортонь полавтоманть виевгавтомань куншкакуро", - евтнесь Мордовиянь Прявтось.
Промышленностень коряс лезксэнь явомадонть домкасто евтнесь Мордовиянь Промышленностень, наукань ды од технологиятнень министрась Игорь Губайдуллин.
"Промышленностень виевгавтомань региононь фондсонть нолдазь тевс льготань финансированиянь региононь вете программат: бути заемонть покшолмась 200 млн целковойтнеде седе аламо - процентэнь ставкась карми 1% - 5%. Докапитализациянь арсевиця покшолмась - малав 427 млн целковойть. Промышленностень виевгавтомань федеральной куншкакурось максы заемт покш технологиянь продукциянь арсеманть-анокстамонть, импортонь полавтоманть, производствань оборудованиянь лизингенть, комплектующейтнень нолдамонть туртов. Мордовиянь предприятиятне пачтясть яволявтомат 2,3 млрд целковойтнень питнесэ", - тешкстызе Игорь Губайдуллин.
МСП-нь корпорациясь нолдась тевс кредитэнь льготань программат 8,5% - 15% ставканть коряс, сехте покш кредитэсь - 2 млрд целковойтнеде аволь седе ламо.
Мордовия Республикань Экономикань, микшнемань ды предпринимательствань министрась Алексей Грибанов евтнесь сеть возможносттнеде, конат явовить промышленниктненень инвестпроекттнэнь лувсо кредиттнэнь коряс процентэнь ставкань субсидированиянть туртов ды IT-отраслянтень явовиця лезкстэнть.
Государстванть пельде лезкс явови важодемань таркань максыцятненень, сень пингстэ, бути ули сотрудниктнень туртов важодемань лувонть полавтомань, производстванть лоткавтомань тандавкст.
Региононь эрицятнень занятостень сферантень лездамга явозь 179 млн целковойть, сынст арсеви ютавтомс нурька шкань важодемань таркатнень теемань, общественной тевдеематнес ломантнень тердемань-совавтомань, истя жо сотрудниктнень одс тонавтомань коряс мероприятиятнень топавтомс.
"Те лезксэсь алкуксонь! Ули занятостень енксонть коряс тевдеемань аравтлув. Ярмактне регионтень сыть, ды редявикст, ансяк эряви виде отчетность, секскак документтнэнь анокстатано покш мелень путозь, профилень министерствась яви тенесэ лезкс эрьвантень", - мерсь региононь Прявтось.
Предприятиятнень прявттнэ пачтясть производствасонть молиця тевтнеде, евтасть мельть-арсемат занятостень ды производствасонть тевтнень ладямонь кевкстематнень коряс, башка мель явсть сеть стакачитненень, конатнень марто вастневить ней. Зярыятне токшить омбо мастортнэстэ анокставкстнэнь (сырьень) ускоманть ды важодемасо логистикань тевтнень.
Тень кувалма Мордовиянь Правительствань Председателень Васенце Полавтыцясь Игорь Фрейдин тешкстызе, ней федеральной уровнясонть ваннови сеть мастортнэстэ, конатнень марто кирдевить ялгаксчинь сюлмотне, киртязь программатнень коряс пачтямонь кевкстемась, тень коряс ладяви вейсэнь важодема.
"Оримэкс" ООО-нь коммерческой прявтось Руслан Начаркин евтнесь, предприятиясь ней путы оборудования, маласо шкасто сонзэ тевс нолдамось лезды кастомс вийтнень. "Даволковсто саезь европань фурнитуранть таркас тевс нолдатадо азиатскоенть. Тевтнень ладямодост мейлеяк, 80% седе ламо продукциянть карматано тееме сонзэ вельде - вадрячинть апак кола. Истят шкатне максыть виев тулкадема ероковтнень туртов!" - евтызе мелензэ Руслан Начаркин.
Промышленной туризманть коряс кортась Мордовиянь Прявтонь старшей советникесь Виктор Степанцов, сон кармавтсь республикань промышленной предприятиятненень виевгавтомс те енксонть.
"Эряви кастомс панжадочинть. Эрьванть юткстонк улить башка енксонзо, эрявить ансяк вадря проектт. Экскурсиянь мельстуиця маршруттнэ лездыть евтнемс тынк ланга ды мейле невтемс лиятненень", - мерсь Артём Здунов. Сон истя жо пшкадсь предприятиятнень руководительтненень: коронавирусонь инфекциянть коряс тевтнень вадрялгадоманть лувсо ютавтомс важодицятнень диспансеризациянть, конань пандемиянть шкасто савкшнось лоткавтомс.
Мордовия Республикань Прявтонь пресс-службась