Пачтямосонть кортави:
Мельвановикс коллегат!
Мордовия Республикась тынк марто вейсэ кирди домка ризкс Россиянь Либерально-демократической партиянь председателенть Владимир Вольфович Жириновскиень куломанзо кувалма.
Эрямосто истямо ероков ды превей ломаненть туемась – минек масторонть туртов покш емавкс.
Миллионт ломанть содасызь Владимир Вольфовичень кода государственной ды общественной деятеленть, минек масторонь сехте редявикс политиктнестэ вейкенть, покш профессионалонть, тиринь масторонь вечкиця ломаненть.
ЛДПР-сь весе историянзо перть ашти масторонь общественно-политической системань прявт пельксэкс: теи покш путовкс демократической институттнэнь теевемантень, обществасо стабильностень ванстомантень, минек государстванть виевчинзэ кемекстамонтень.
Ламо иетнень перть Владимир Вольфовичень ды Мордовиянть вейсэндясть вадрят, ялгаксчинь ды деловой сюлмотне. Сон аволь весть сакшнось минек республикав, конань марто сонзэ ульнесть историянь ды роднянь-раськень сюлмонзо.
Кеман, Владимир Вольфович свалшкане кадови малавикстнэнь, ялгатнень, коллегатнень, сонзэ содыця весе ломантнень валдо ледстнематнес.
Энялдан пачтямс седейризксэнь валт Владимир Вольфовичень малавиксэнзэ туртов.
Мордовия Республикань Прявтось А. Здунов