Артём Здунов лембестэ вастынзе покш инжетнень, тешкстызе минек государствань лидертнэнь - Россиянь Федерациянь Президентэнть Владимир Путинэнь ды КНР-нь Председателенть Си Цзиньпинэнь - кавто ендонь отношениятнень виевгавтомасо прявт таликанть, сынст бажамост вельде Россиянь-Китаень сюлмотне лиссть эсь историясонть сехте покш уровнянтень. Китаень Народной Республикась – Мордовиянь умонь ды прявт внешнеторговой партнертнэстэ вейкесь. Мордовия Республикань Китаенть марто внешнеторговой оборотось 2022 иень 9 ковтнень перть кармась 45,8 млн США-нь долларт, касомась 4,3%.
«Минек ули касоманть туртов резерва!» – мерсь Мордовиянь Прявтось. Ды тешкстызе вейсэнь важодемань покш потенциалонть фармацевтикасо, светотехнической теевкстнэнь, волоконно-оптической, кабелень продукциянь, изоляционной полимерной материалтнэнь производствасо, индустриально-аграрной кластерсэ. Региононь промышленной ламот прявт предприятиятнесэ путозь ды вадрясто важоди Китайстэ технологической оборудованиясь. Мордовиясь кирди вейсэнь важодемань сюлмот Китаень провинциятнень марто «Волга-Янцзы» лувонть коряс.
Артём Здунов тешкстызе, алкусонь партнеронь, ялгаксчинь сюлмотне невтевсть коронавирусонь пандемиянть шкасто: «Те шканть минь печтинек вейсэ. Ульнесть ламо а меремат, ансяк бизнесэсь тень пингстэ ансяк кассь-кепететсь».
Енкстнэ тешкстызь гуманитарной вейсэнь тевдеемань эрявиксчинть, башка тешкстызь Н.П. Огарёв лемсэ МГУ-нь важодеманть. «10 ламо партнертнэ – КНР-нь научной-тонавтомань куншкакуротнень ютксто. Те аволь берянь невтевкс. БРИКС программанть лувсо биотехнологиянь ды биологиянь факультетэнь ученойтне топавтыть проект Китаень вейке университетэнть марто. Колмо иеть омбо масторонь кельтнень факультетэнть юрсо важоди Китаень келень ды культурань куншкакуро. Ней минек университетсэнть тонавтнить КНР-нь весемезэ 33 эрицят, минек ули меленек, штобу эйстэст улевель седе ламо», – мерсь Мордовиянь Прявтось.
Инжетне кемекстызь мелест виевгавтомс вейсэнь важодемань сюлмотнень Мордовиянть марто весе енкстнэнь коряс, истя жо – туризманть, кемекстазь решения маласо шкасто ютавтомс бизнес-миссият.
Мордовия Республикань Прявтонь пресс-службась