Мордовия Республикань Прявтось Артём Здунов сась кочкамонь участкантень минек содавикс земляконть, спортсменэнть ды тренерэнть Шамиль Тарпищев марто вейсэ, сон топавтызе эсь гражданской долгонть Мордовиясо.
Вайгелень максомадо мейле республикань Прявтось мерсь: «Участкасонть ежось вадря, важодемань, ялгаксчинь. Сехте прявтось: неть читнестэ минь кочкатано масторонь уцясканть, Россиянть туртов аволь шожда лувтнесэ – тынь нейтядо, кодамо ве ендонь кежесь, каявоматне. Секскак минь вейсэндявинек ды важодтяно сень коряс, мезе сермадозь Конституциясо – топавтано кочкамо лангс эсь праванть. Тень туртов явовить колмо чить – те лезды Россиянь эрьва эрицянтень муемс эсь туртов шка ды молемс кочкамонь участкав, теемс эсь кочкамонть».
Россиянь Теннисэнь федерациянь президентэсь, минек землякось Шамиль Тарпищев мерсь: «Монь туртов свал кенярксчи – чачома енксов самось, течи кавксть – эште вайгелень максома. Нама, те чинть минь учинек ды арсинек самс тей».
Мордовия Республикань Прявтонь Пресс-службась
Фотось: «Известия Мордовии»