Вастовоманть панжомсто, Артём Здунов евтась поздоровт военной комиссариаттнэнь важодицятненень, евтась сюкпря Тиринь масторонть лезэс важодеманть кисэ. «Минь тынк марто – вейкине команда, свал лездатано вейке вейкенень, секс мекс аштетяно государевань службасо, – мерсь региононь руководителесь. – Сюкпря военкоматтнэнь важодицятненень, кие ардтнить СВО-нь таркатнес, явить лезкс минек цератненень передовойсэ, важодить сынст семиятнень марто».
Мелят Мордовиясто армияв саезь 1,5 тежадо седе ламо од церат – сынь служить эрьва кодат войскатнесэ Калининградсто саезь Владивостокс. Кода тешкстызе Артём Здунов, 40% минек призывниктне кучозь Вооружённой Вийтнень элитной часттнес. Мордовиясто 500 седе ламо курсанттнэ тонавтнить высшей военной тонавтнемань заведениятнесэ. Весе те – эйкакштнень ды од ломантнень марто патриотической важодемань, юнармейской движениянь, кадетэнь ды казачьей класстнэнь виевгавтомань цетавкс.
Ламо иень вадря важодеманть кисэ республикань военной комиссариатонь представительтненень явшезь наградат.
Республикань Военной комиссарось Игорь Тихомиров евтась сюкпря Артём Здуновнень комиссариатонь эрявиксчитненень мелень явоманть ды оборудованиянь рамамс ярмактнень явоманть, витнемань тевтнень ютавтоманть, военкоматтнэнь антитеррористической ванстомань топавтоманть кисэ.
Вастовомасонть кортасть мелят Мордовиянь военной комиссариаттнэнь важодемань невтевкстнэде, армияв саемань кампаниянть ютавтомадонзо, истя жо республикань властень органтнэнь марто седе тов вейсэнь тевдеемань енкстнэде.
Мордовия Республикань Прявтонь Пресс-службась