«АБ ИнБев Эфес» компаниясь невтезь республикасонть кавто предприятиятнесэ – пиянь пидемань ды солодонь заводтнэсэ. Теезь производствань пешксе циклась: кастови пиянь пидемс шуж, топавтови сонзэ домка переработкась, важоди пиянь производствась. Предприятиясонть важодить 2 тежадо ламо ломанть.
Мордовиянь Прявтось Артём Здунов тешкстызе: «АБ ИнБев Эфес – минек регионсонть покш налогонь пандыцятнень ютксо вейкесь, максы важодемань таркат. Минь явсынек эрявикс весе лезксэнть вейсэнь тевдеемань виевгавтоманть туртов».
«Минь пиянь покш производитель, поладтано свалшкань важодеманть Саранскойсэ ды лия регионтнэсэ, шкастонзо ды целанек топавтано минек важодицятнень ды партнертнэнь икеле весе социальной ды бизнес-обязательстватнень. Арсетяно седе товгак теемс покш путовкс региононь социально-экономической виевгавтомантень», – евтнесь Ораз Дурдыев.
Ледстясынек, «АБ ИнБев Эфес» Россиясо пиянь производствань коряс лидер ды солодонь производствань коряс лидертнэстэ вейкесь. Компаниясь топавты покш агропрограмма, конань вельде целанек топавты эсензэ производстватнень анокставкстнэсэ (сырьё). Россиясо компаниянтень совить пиянь пидемань 11 заводт ды солодонь 3 комплекст.
Мордовия Республикань Прявтонь пресс-службась