Апрелень 6-це чистэ Московсо Мордовиянь Прявтось Владимир Волков вастовкшнось РАН-нь академикенть, РАН-нь Волоконной оптикань научной куншкакуронь прявтонть Евгений Дианов марто. Кортамось мольсь республикасо волоконно-оптической кластерэнть виевгавтомадонзо, васняяк - "Оптиволоконные системы" АО-нть юрсо преформань производстванть ладямонь коряс "Создание производства оптического волокна" проектэнь омбоце очереденть топавтомадонзо. Кортамось мольсь од производстванть технической ды технологической обеспечениядо, мезесь лади научной неень шкань арсематненень-панжоматненень, конат улить минек масторонь ды томбалень оптической волокнань нолдамонь сферасонть.
Республикань Прявтось ёвтась сюкпря Евгений Диановнень проектэнтень научной лезксэнь явоманть кисэ ды тешкстызе вейсэнь важодемань поладомань эрявиксчинть. Владимир Волков тешкстызе: "Минь путтано эсенек икелев прявт тев - пурнамс республикантень волоконной оптикань ды оптоэлектроникань ёнкссо Россиянь научной прявт школатнень компетенцияст ды топавтомс "Волоконная оптика и оптоэлектроника" промышленной кластерэнь тееманть коряс проектэнть.Те кластерэсь лезды вейсэндямс региононь предприятиятнень ды компаниятнень оптической волокнань, пррибортнэнь ды сынст лувсо теевиця систематнень арсемаст-анокстамост ды тевс нолдамост коряс".
Кортавсть Саранскоень кластерэнь предприятиятнесэ РАН-нь Волоконной оптикань научной куншкакуронь од арсематнень-панжовкстнэнь тевс нолдамост.