Мордовиянь Прявтось кортась Ольга Баталина марто «Семья» нацпроектэнь топавтомань кевкстематнеде

Мордовиянь Прявтось кортась Ольга Баталина марто «Семья» нацпроектэнь топавтомань кевкстематнеде

Чадыковонь 1-це чистэ Московсо ютавтовсь Мордовиянь Прявтонть Артём Здуновонь ды Россиянь Трудонь ды социальной ванстомань министрань васенце полавтыцянть Ольга Баталинань важодемань вастовомась. Кортасть, кода республикасонть моли национальной проекттнэнь топавтомась. Истя жо кортамось мольсь «Семья» од нацпроектэнть коряс. Ледстясынек, сон ушодови сы иестэ масторонь Президентэнть Владимир Путинэнь ушодксонзо коряс ды карми аравтозь семиянь питнейчитнень ванстомантень ды виевгавтомантень, шумбра ды уцяскав семиятнень туртов вадря условиятнень теемантень. Те проектэнь топавтомась седе пек эряви сеть регионтнэнь туртов, косо 2022 иестэ чачтоматнень суммарной коэффициентэсь ульнесь седе алкине среднероссийскоенть коряс – сынст юткс кандови Мордовияськак.

Вастовомасонть ульнесть МР-нь Правительствань Председателень Васенце полавтыцясь Галина Лотванова ды МР-нь эрицятнень социальной ванстомань, трудонь ды занятостень министрась Игорь Князьков.

Мордовия Республикань Прявтонь Пресс-службась