Ацамковонь 8-це чистэ Мордовиясо «Онкопатруль» акциянь прядовомань торжественной церемониясонть ульнесть Мордовиянь Прявтось Артём Здунов ды Россиянь Минздравонь прявт внештатной онкологось, радиологиянь НМИЦ-нь прявтось Андрей Каприн.
«Онкопатрулесь» – те овсе лия лув, тынь колатадо кемекставозь мельтнень. Те акциянть вельде ломантнень чачи кемемаст. Сехте талновтыця кулянть пингстэ прявтось – те анокстазь улемась, сестэ ломаненть туи пелемазо, – тешкстызе Мордовиянь Прявтось. – Сюкпря тенк сень кисэ: республикав састь масторлангонь уровнянь специалистт, сюкпря мелень явоманть кисэ, клятвань топавтоманть кисэ, конань тынь максынк врачонь дипломонть получамсто, технологичностенть кисэ, конась лезды идемс ламо эрямот. Онкопатруленть покш вандынь чизэ!»
Республикань руководителесь тешкстызе: ломаненть эсь шумбрачинтень покш мелень явомась, орматнень профилактикась – те цела культура. Онкопатрулесь токшинзе обществань келей слойтнень – Мордовиянь учреждениятнень врачтнень, медицинань персоналонть, общественной организациятнень, студентэнь вейсэндявкстнэнь.
Регионсонть Онкопатрулень важодемань шканть перть ютавтозь республикань предприятиятнень 380 важодицятнень профилактикань ванномат, сынст ютксо зыянонь кандыця производстватнесэ важодицят. Редязь 46 зыянов ормат. Ютавтозь консультацият Московонь эксперттнэнь марто. Истя жо специалисттнэ ютавтсть 10 операцият ды 7 эндоскопической ванномат. Тень вельде республикань врачтнэ саизь ормань куроксто редямонь ды раконть марто бороцямонь опытэнть. Истя жо тешкстазь Н. П. Огарев лемсэ МГУ-нть марто образованиянь, научной, научно–исследовательской ды медицинской тевдеемань, НМИЦ-нть юрсо ординатортнэнь тонавтомань коряс вейсэнь тевдеемадо вейсладямо.
Россиянь Минздравонь прявт внештатной онкологось Андрей Каприн евтась сюкпря весе коллегатненень-онкологтненень, конат бороцить раконть каршо, Мордовиянь Прявтонтень – проектэнь кирдеманть ды республикань эрицятнень шумбрачист кувалма мелявтоманть кисэ.
«Минь нейтяно, кода вадрясто топавтови онкологиясо сэредицятненень лездамонь нацпроектэсь – весе те минек Президентэнть лезксэнзэ вельде, - тешкстызе Андрей Каприн. – Эряви нолдамс тевс од технологиятнень, превс путомс минек тонавтницятнень, тень вельде ацамс ки эсенек ды малавикстнэнь шумбрачист туртов! Онкологиясь – военной дисциплина, ды миненек эряви максомс весементь, штобу изнямс те орманть. Ды минь алкукс изнятано!»
Церемониянть шкасто ютавтовсь виде вейсэндямо республикань онкодиспансерэнь операционнойстэнть, косо ютавтовсь стака операция. Проектэнь прявт онкологтне лездасть Мордовиясто врачонтень.
Мероприятиясонть истя жо явшевсть наградат Онкопатрулень специалисттнэнь ды Мордовиянь медиктненень, конат ульнесть проектсэнть.
Мордовия Республикань Прявтонь пресс-службась